TIGURINUS Lacus Helvetiae

TIGURINUS Lacus Helvetiae

Zuricher zêe Helvetiis, Lac de Zurich Gallis, a Tiguro ei ad Boream adiacente dictus, partim est in pago Tigurino, partim prope pagum Suitensem: Ad 25. mill. pass. ab Euro in Circium. Plantinus habet, a Meridie in Septentrionem extenditur, vix 5. mill. pass. latus. Maxima autem latitudo inter Rupertivillam est et locum Hurden; exinde Tigurum usque, ubi Limagus ex illo effluit, paulatim arctior fit et angustior. Ei adiacet Rapersvilla oppid. cum ponte oblongo, non longe dissito, sub quo mensib. Septembr. et Octobr. uberrima piscatio, et per eum Limagus fluv. labitur. In quibusdam tabulis ea lacus pars, quae a Rupertvilla ad Limagi ingressum extenditur, nominatur Obersee, i. e. lacus superior: uterque mercibus ex Italia Rhaetiaque Tigurum transvehendis ingentem affert commoditatem. De eo sic Henr. Stephanus: Lacus est longus circiter 12. mill. pass. supra quem am aenus Alpium prospectus est, ut volupe sit vel in media aestate nives et quandam quasi hiemem intueri.